كتبت – بسمة غربية
تحدث الفنان محمد فراج خلال لقاء تليفزيوني، ووضح شخصيته بعيدًا عن الحياة العملية، وأكد أن الزمن غدر به عندما سلب منه أشياء وأشخاصًا كثيرين.
وقال محمد فراج: “الزمن غدار والوقت سرق مني حاجات كتير، أولهم ناس مهمين ملحقتش أستمتع بوجودهم معايا، فاتني حاجات كتير فاتني عمر في طفولتي معشتهوش وياريت لو رجع بيا الزمن”.
وتابع “فراج” حديثه: “أهم مراحل حياتي الفترة اللي مريت بيها لما والدي ووالدتي توفوا ومرحلة أحلى قصة حب في حياتي، فترة طفولتي سابت بصمة واضحة جدًا جوايا بس مش مكتملة وكنت أتمنى إن الفترة دي يكون فيها قرب لحاجات كنت محتاج أعيشها أكتر”.
وأكمل الفنان: “فاتني في حياتي وقت كنت المفروض أقضيه مع أمي وأبويا أكتر من كدة، تجربتي مع الزمن هي اللي صنعت محمد فراج بس لما بنبقى في الموقف نفسه مش بنبقى مدركين ممكن نكسب إيه من الموقف ده”.
واختتم الفنان: “الظروف والزمن خدموني لما وقع في طريقي ناس مهمين ولما قابلت حب حياتي، عندي حنين أكتر للماضي ومحطة القطر الأهم في حياتي هي بسنت زوجتي”.
وتعد هذه الفترة فترة حافلة بالنجاح الفني للفنان محمد فراج، حيث يعرض له حاليًا فيلم “فوي فوي فوي” من تأليف وإخراج عمر هلال.
