كتبت – مرام اللبان
تصدر اسم المطربة بسمة بوسيل، تريند محركات البحث الشهيرة”جوجل”، وذلك عقب حديثها لـ أول مرة على خبر طلاقها، من الفنان تامر حسني، وعلاقتهم بعد الإنفصال.
بسمة بوسيل تتحدث عن إنفصالها من تامر حسني
وقالت بسمة بوسيل، خلال إستضافتها فى برنامج “دقيقة نفهم”، الذي يعرض على “اليوتيوب”، عن خبر إنفصالها من تامر حسني، قائلة: “قرار الانفصال كان صعب.
وأضافت بسمة بوسيل: “ولكن أنا والأولاد وأبوهم علاقتنا كويسة، وكل اللي بيجمعنا هو الحب، ومش بالضروري إننا معرفناش نكمل كزوجين، منبقاش نكمل كأصدقاء”.
واستكملت المطربة المغربية: “أنا بربي فيهم حتة البيزنس، من وهما صغيرين، علشان بحس أن المدارس مبتعلمناش اللي الحياة بتعلمهولنا”.
بسمة بوسيل تتحدث عن حياتها عقب الانفصال
وقالت بسمة بوسيل: “اللي جد على حياتي، إني رجعت أعمل الهوايات بتاعتي اللي بحبها، وبالنسبة لي الغنا كان أكتر حاجة بتخليني أخرج برة الروتين”.
وأكدت “بوسيل”: “ودلوقتي بقيت بعمل دا بقيت، بغني زي زمان، وموهبة الغنا كانت عندي، لكن مقررتش أحولها لاحتراف علشان كنت عايزة استمتع بالموضوع”.
وتابعت بسمة: “دلوقتي بقى عندي حرية أكتر، أقرر لنفسي اللي يبسطني، لكن مظنش هعمل ألبوم مع شركة منتجة، لإن شغلي واخد كل وقتي”.
بسمة بوسيل تتحدث عن علاقة تامر حسني وأولاده
وأكدت بسمة بوسيل:” أنا طول الوقت شاغلاهم بحاجات تشغل دماغهم، هي بتبقى متعبة، ولكن أحسن من أنهم يضيعوا وقتهم في اللعب، أنا بحس أن المدارس مبتعلمناش اللي الحياة بتعلمه لينا”.
وأضافت بسمة: “وأنا بنمي البيزنيس في شخصية ولادي وبقيت أوديهم معايا اجتماعات، وبنتي عندها 10 سنين عملت براند لنفسها واختارت اسم واللوجو وكنت مبسوطة أوي بيها”.
وأشارت “بوسيل”: “ولادي علموني حاجات كتير أوي وأولهم أعرف قيمة أمي، وهما أكبر إنجاز عملته في حياتي وهما الحب الحقيقي وأصدقائي”.
وشددت بسمة بوسيل: “بيحسسوني بأحلى المشاعر اللي في الدنيا بدون مقابل، وهما طول عمرهم أولوية بالنسبة لي ربنا إدالي أحلى حاجة في الدنيا”.
وأختتمت بسمة بوسيل حديثها:” طبيعي أن ولادي يطلعوا بيغنوا علشان صوتي وصوت أبوهم، وحاسة إن أمايا هتبقى نجمة”.
إطلالة بسمة بوسيل في برنامج “دقيقة نفهم”
وارتدت بسمة بوسيل، بدلة حرير بـ شكل البيجاما، وبـ أكمام طويلة وبتصميم الأوفر سايز، بـ اللون الأبيض العاجي، وبعض الخطوط بـ اللون الأحمر.
وشوهدت المطربة بسمة بوسيل، كـ ضيفة في برنامج “دقيقة نفهم”، وقد شاركت مجموعة من لفيدوهات عبر حسابها الرسمي على إنستجرام
طلاق بسمة بوسيل وتامر حسني
ويذكر أن بسمة بوسيل، انفصلت عن الفنان تامر حسني، في إبريل الماضي، حيث كتبت منشورًا عبر خاصية “الاستوري.
وقالت بسمة في المنشور: “وجعلنا بينكم مودة ورحمة ده كلام ربنا في الزواج والطلاق، لقد تم الطلاق بيني وبين تامر وسيظل بينا كل ود واحترام، وربنا يكتبلك ويكتبلي كل الخير أمين يارب”.
