كتبت – أسماء حليمة
علقت الفنانة مادلين طبر على علاقتها بزوجها الأول، والتي استمرّت لمدة 7 سنوات، موضحة أنها كانت تتمنى أن تكمل حياتها معه.
وقالت مادلين طبر في تصريحات تليفزيونية: “لما كنت متجوزة مع حفاظي على شخصيتي كنت بعدي الأمور، ولما أحسه اتعصب أهرب، لأن الرجل لما بيتعصب مش بيعرف ينزل لأنه مش عنده طاقة زينا يلم الموضوع ويرجع طبيعي”.
وتابعت مادلين طبر: “الراجل بياخد الست اللي شبه والدته اللي فيها الشخصية القوية، وفي نفس الوقت الراجل أناني في تركيبته وظروفه الجسدية والهرمونية والعضلية والدينية، ومش مفهوم ومالوش كتالوج”.
وأكملت “طبر”: “أنا زواجي استمر 7 سنوات وكنت شارية ومش عاوزة أسيب وكنت بحلم أعيش معاه العمر كله، وكنت بعدي وبطنش، واكتشفت أن طريقة تعاملي معاه جابت فايدة إلا حاجة واحدة أنه بيحب الستات وده مرض فقررت ننفصل”.
كما وجهت مادلين طبر نصيحة للسيدات اللاتي يردن أن تحافظن على زواجهن قائلة: “كلنا كستات عاوزين الستر سواء المتحررة أو الملتزمة، ولو الست عاوزة تأسس حياة زوجية لازم تضحي وتعدي وتسيب المعارك للحاجات الأساسية، لأن الرجالة فيهم طفولة وبيعندوا وعاوزين رأيهم اللي يمشي”.
وواصلت مادلين: “أنا كنت بعدي الأمور ولكن في أمور أساسية زي أني أكمل ماجيستير أصريت، لكن في الأمور العادية نعدي”.
