كتبت – وفاء العسكري
أعلن المطرب محمود الليثي في فيديو له، على موقع التواصل الإجتماعي “فيس بوك” الصلح بينه وبين رضا البحراوي، بعد خلافات ومناوشات بينهما على السوشيال ميديا.
ونشر محمود الليثي فيديو له على صفحته الرسمية، يجمعه برضا البحراوي، وعلق قائلًا: “عايز اقول حاجة كل جمهورنا الحبيب في مصر، والوطن العربي أنا ورضا أخوات، وكلام الأغاني ده ميخصش رضا، ولا يخص محمود الليثي، وأى أغنية هينزلها هرفعها عندي على الصفحة، أنا ورضا أخوات”.
ورد عليه رضا البحراوي قائلًا: “وأنا ياجماعة أى أغنية هينزلها الليثي، هنزلها على صفحتي، وأى كلام نزلته أنا مقصدش الإساءة لأخويا محمود الليثي، علشان إحنا أخوات”.
والجدير بالذكر أنه خلال الأيام القليلة الماضية، كان هنالك خلافات بين البحراوي والليثي، واتهم البحراوي الليثي بشكل غير مباشر بسرقة ألحان أغانيه، وكتب على صفحته منذ أيام: “ياجدع اتكسف على دمك لا بتعرف تغني ولا ليك فيه”.
وتابع البحراوي: “أنت أخرك تسرق اللحن من المطربين، أنت أكبر حرامي يا أصفر، بس ربنا مش على كيف حد، وإن شاء الله هتسمع حاجة كمان ساعة”، وأضاف: “أنا بيصعب على الشخص الهاي كوبي، اللى فاكر نفسه أوريجنال”.
