كتبت – وفاء العسكري
كشف محمد وديع مدرب ومنظم المعارك، في مسلسل “الحشاشين” عن الكواليس، ومدى صعوبة العمل الفني، والجهد المبذول من فريق العمل.
وذكر محمد وديع أنه تم اختياره من قبل مخرج الأكشن الأجنبي، والمتخصص في المشاهد الخطرة “كالا”، الذي تم الاستعانة به في مسلسل “الحشاشين”، لتميزه بشكل كبير في جزئية الخيول، التي تدخل في المعارك وتدريبهم: “بيعلم الخيول إزاي بتقع ويبقى شكلها هجومي في المعركة، والفرد اللي فوقيها يتعامل إزاي”.
وتواصل إنتاج المسلسل مع المقدم بالمعاش إسلام العزب “مصاب عمليات في شمال سيناء”، وقال وديع: “وبدأنا نشتغل الحتة دي والحمد لله ادينا فيها أداء كويس جدًا”، مضيفًا أن فكرة ظهور المجاميع في مشاهد حرب وقتال، وأن تجعل المشاهد يصدق ذلك كأنه حقيقة، استلزم منهما مجهودًا كبيرًا.
وحكى المدرب في “الحشاشين” عن كواليس العمل، أنه كان في الصحراء في أماكن تُعتبر غير صالحة للمعيشة، في أجواء بين الباردة والحارة، لذلك وصفها بالصعبة جدًا، معلقًا: “وفي الآخر إحنا ما بنتعاملش مع عسكريين”.
وتابع مدرب المعارك، قائلًا: “يعني مفيش ضوابط بتحكمنا، فانت لازم بقى إزاي تعرف تهندل، وازاي تعرف تاخد من اللي قدامك، اللي انت عايزه، وإزاي تقدر في وقت قليل جدا بأعداد كبيرة جدًا، وتنفذ اللي المخرج عايزه بالظبط”.
