حوار- روعه السيد
موقع “الأنباء المصرية” في حوار خاص مع مريم ماهر عبد الله ابراهيم النجار، الثاني مكرر على مستوى الجمهورية في الشهادة الثانوية الأزهرية، بمجموع 615 وبنسبة 97% ابنة محافظة القليوبية-كفر مناقر.
قالت مريم الثانية مكرر على الجمهورية، اه كنت متوقعة لانه كان حلمي ممكن كنت خايفة شوية، بس املي كان كبير في ربنا وقدرت احقق حلمي، كان نفسي أكون الأولى بس الحمدلله بقيت التانية، وفرحت جدًا لما سمعت شيخ الأزهر كلم ماما دي عندي بالدنيا.
أكدت “مريم” أكبر داعم ليا بابا كان علطول بيقولى مستنيين مكلمة شيخ الأزهر، وهو بيقول انك من أوائل الجمهورية، والجملة دي لوحدها كانت بتديني طاقة ايجابية، والحمد لله بشكر ربنا قدرت احقق حلمه، ومخذلتوش فيا هو وماما.
قالت” مريم” كنت منظمة وقتي جدًا، وأنا بدأت دروسي من شهر 8 وأخدة السنة جد الدروس بخلصها أول بأول علشان، منساش اللي اتشرح، مكنتش بحب اضغط نفسي، بس تنظيمي للوقت فرق معايا اوي، وكنت ملتزمة بالصلاة وقرأة القرأن دول سبب توفيقي يعتبر.
أوضحت” مريم” الثاني مكرر على الجمهورية، نفسي ألتحق بكلية اللغات والترجمة، وأكون سفيرة ومن سفراء الأزهر، ده حلمي اللي بتمناة، وبفضل ربنا واثقة اني هحققة.
