مرام اللبان
حلّت المخرجة إيناس الدغيدي ضيفة في برنامج “القرار” المذاع على قناة الغد، وتحدثت بجرأة عن حياتها الشخصية، ومنها أنها عاشت المساكنة مع زوجها قبل الزواج.
وقالت إيناس الدغيدي: “مختارتش أكون جريئة، أنا فعلًا جريئة وحياتي كلها فيها جرأة، وأنا مكنتش متخيلة إني جريئة، وبتصرف عادي ولكني طلعت جريئة”.
وتابعت إيناس: “ولما دخلت الفن ومعهد السينما، كان بالنسبة لي لحظة جرأة، لأننا من عيلة ملهاش علاقة بالفن، وعيلة ملتزمة دينيًا، ووالدي كان مدرس لغة عربية ودين”.
إيناس الدغيدي
وأكدت “الدغيدي” أنها لم تفكر في الحرام طوال حياتها موضحة: “مفكرتش في الحرام كتير، ومش حطاه التارجت بتاع حياتي، لأني لو فكرت وقلت حرام حرام، مكنتش عملت أي حاجة في حياتي”.
وتابعت إيناس: “الناس شايفني عملت الحرام أكبر بكتير من اللي أنا عملته، لأن أفكاري وجرأتي أدت انطباع غير شخصيتي الطبيعية خالص، لكن أنا مش بشرب خمرة ولا سجاير وعلاقاتي مظبوطة ومناسبني سنًا وعقلًا، ومش بعمل علاقة من تحت الترابيزة”.
وأكدت إيناس الدغيدي: “وممكن أدخل علاقة الناس تشوفها حرام، لكن أنا بشوفها عادية طالما فيها صدق وحب واهتمام، وما بحاسبش روحي بالحلال والحرام، وأفكاري الجريئة ظلمتني زمان وقدرتني النهارده، لأن اللي بيتعمل أكتر بكتير من اللي قلته”.
