كتب – محمود البدوي
تحدثت الفنانة منال سلامة حول حقيقة مساعدة أسرتها لابنتها الفنانة الشابة أميرة أديب، في دخولها المجال الفني، استكمالًا لمشوار العائلة الفنية، مؤكدةً على أنها لم تدعمها ولا والدها المخرج عماد أديب.
وقالت منال سلامة: “أنا معلماها قرآن، حافظة نص القرآن من صغرها، بس ساعات بيقف قدامها كلمة أو معنى، ومش مسمحولي اقرأ الجملة أو الكلمة بأداء.. وبنتي دارسة إعلام وإنتاج في كاليفورنيا”.
كما وجهت منال سلامة نصيحة لابنتها أميرة أديب، قائلة: “المهنة متعبة وقاسية جدًا، قدرتي تتحملي متاعبها متشتكيش، حبي اللي بتعمليه، واشتغلي كويس على شغلك واتعبي عليه والنتيجة بتاعة ربنا، أهم حاجة تعملي اللي عليكي وتجتهدي وتذاكري كويس وعلاقاتك تبقى كويسة بزمايلك”.
أما عن رأيها في تباين الآراء حول تعليم التمثيل في المعاهد والكليات، أضافت منال سلامة: “التمثيل لا يُعلم عشان كده بيعملوا اختبارات قبول قبل الدخول، ولازم تكون موهوب أو موهوبة المعهد بينظم هذه الموهبة، بيعلمك تقرئي إيه؟ وتنظيم النفس وخروج الحروف بشكل سليم ورقص ونقد ولياقة، بيشاوروا على الأدوات إزاي نستخدمها”.
واختتمت حديثها، قائلةً: “والتمثيل علم بدليل إنه بيدّرس في دول العالم وبيتاخد فيه ماجستير ودكتوراه، محدش بيعلم تمثيل لحد ولكن بينظم الأدوات وبيشاور على نقاط القوة والضعف عند الممثل، وفيه حد بيدخل موهوب وبيطور من أدواته وفيه حد مش بيتطور، فده عيب الشخص نفسه مش عيب اللي بيعلم”.
