كتبت – وفاء العسكري
ظهرت الفنانة ليلى أحمد زاهر مع الفنان هشام جمال، وكان ظهورهم معًا لافتًا للأنظار، ودائمًا تتجه أسئلة نحوهما مثل “مرتبطين؟، لايقين على بعض”، لكن كانت الإجابة تأتي على الفور: “داعمي الأول ومثل أخويا”.
وتحولت تلك العلاقة إلى حب وارتباط، وذلك بعد أن أعلن هشام جمال أمس خطبته على ليلى، وكتب قائلًا: “الحمد لله 2024 بتبدأ بخبر سعيد علينا، من أيام قليلة كانت قراية الفاتحة، وإن شاء الله الخطوبة قريبًا، نتمنى من كل الناس تدعيلنا بالتوفيق، والسعادة والخير”.
وتشارك ليلى دائمًا متابعيها صورًا مع هشام جمال، من كواليس تصوير مسلسل “في بيتنا روبوت”، وتكتب أن هشام بيدعمها في كل خطوة فنية لها، وأنه يساعدها مثل أخيها.
وكتبت ليلى على أحد الصور: “كنت عايزة أشكر كل واحد تعب في المسلسل ده، وحاول يبذل كل جهده عشان المسلسل ده يطلع حلو، ويعجبكم وأولهم طبعًا أخويا وصديقي اللى بحبه وبحترمه وبثق فيه جدًا، هشام جمال اللي بيفاجئنا وبيفاجئ كل الناس بأفكاره المبتكرة، وموهبته شكرًا على كل حاجة يا هشام”.
كما نشرت الفنانة في بوست تهنئ هشام بعيد ميلاده، قائلة: “كل سنة وأنت طيب وناجح وشاطر ومجتهد وموهوب، ومحترم ما شاء الله كل سنة وأنت الأخ الكبير، والصاحب الجدع، والروح الحلوة إن شاء الله كل الظروف الصعبة، تعدى ونفرحك زى ما أنت دايمًا، بتفرح كل اللي حواليك”.
وبعد أن أخرج هشام فيديو كليب ليلى، كتبت قائلة: “أنا طول عمري بقول إنك دايما بتكون سبب في أي نجاح نجحته، أو بنجحه في حياتي بعد ربنا، لكن المشروع ده أنا عايزة أشكرك عليه بشكل خاص، قدام كل الناس لأني أول ما سمعتك الأغنية عشان أخد رأيك كنت مبسوط وفخور بيا جدًا”.
وأكملت الفنانة: “لأنك أول واحد وقفني قدام مايك، وأول لما طلبت منك إنك تخرجلي الكليب ما ترددتش للحظة، رغم إنك كنت مشغول قوي ووراك 3000 حاجة ما شاء الله، ومع ذلك ما قصرتش معايا ولا مع الكليب لحظة، وكل حاجة خدت حقها، الحمد الله وده يدل على أنك راجل محترف جدًا في الشغل، وعلى المستوى الإنساني أخويا وأقرب صديق ليا”.
