كتبت – إيمان أشرف
كذبت الفنانة ميرنا نور الدين الأخبار التي انتشرت مؤخرًا، التي تضمن ارتباطها بالفنان أحمد العوضي، بعد تعاونهما في مسلسل “فهد البطل”.
وصرحت ميرنا نور الدين في لقاء مع “عرب وود”، قائله: “لا مفيش حاجة حقيقية، وأكيد أي حاجة بتبقى زيادة عن اللزوم بيبقى فيها انزعاج بس خلاص أنا مبردش كده كده”.
وفي سياق متصل، تحدثت ميرنا عن تعاونها مع أحمد العوضي في الأعمال الدرامية، قائلة: “مش أول مرة نشتغل مع بعض أنا وأحمد بس دي أول مرة يبقى مساحة كبيرة مع بعض، هو من أكتر الناس مش بيركز مع نفسه بيركز معانا، عايز أن إحنا كلنا ننجح مش هو بس، وبالتالي طول الوقت بنتناقش عن المشاهد مع بعض، لو في لازمة معينة”.
وتابعت: “إحنا أصحاب أنا وهو وكارولين عزمي وعصام السقا، وكان ممكن يتريق لو قلت جملة بطريقة معينة يقولي دي مش من “شق التعبان” إعدلي لسانك، زي كلمة “بالله” أول أيام التصوير كنت بقولها عادي بطريقة ميرنا مش “كناريا”، هو كان بيساعدني جدًا والكيميا بينا حلوة”.
والجدير بالذكر أن شاركت ميرنا مع أحمد العوضي في الماراثون الرمضاني 2025 في مسلسل “فهد البطل”، والعمل بطولة كلًا من: “أحمد العوضي، وأحمد عبدالعزيز، ومحمود البزاوي، ولوسي، وكارولين عزمي، ويارا السكري، وعصام السقا، وصفاء الطوخي، وإخراج محمد عبدالسلام، وتأليف محمود حمدان.
