كتبت – إيمان مجدي
علّقت الفنانة مي عمر على حبها لشراء ملابس غالية قائلة: “بحب أجيب ملابس براند كتير، ومحمد بيحب يشتريلي وأنا اللي بمنعه وبقولو بلاش افورة، المفروض الراجل الطبيعي يكون جنب مراته طول الوقت، ورغم ده مبحبش انه يجيبلي حاجات كبيرة وغالية”.
وتابعت: “من وأنا صغيرة بحب إني أجيب الحاجات الغالية لنفسي، ومش حاطة الحسد في دماغي رغم إني عارفة إنه موجود في القرآن، لكن مبحبش أرمي كل حاجة على الحسد، وإحنا اللي عاملين حاجة غلط، وبرة الناس بتعمل حاجات وبتنزل على السوشيال ميديا ومبتتحسدش اشمعنى يعني”.
وقالت مي عمر خلال استضافتها ببرنامج “أسرار” مع الإعلامية أميرة بدر: “بحب نيللي كريم أوي وكاملة أبو ذكري خطيرة وأعمالها مميزة وتدخل القلب جدًا، ومحمد لو أتحط في مقارنة مع أي مخرج أكيد هختاره”.
وأضافت: “حاجتين مبمسكش نفسي قدامهم التين الشوكي والقصب، وممكن بطني توجعني من كتر أكلهم، ودوري في نعمة تخنت عشانه؛ لأنها ست طبيعية وبتشتغل وبتحب الأكل، وتخنت حوالي 7 كيلو، والمسلسل أتصور في اماكن حقيقية مش ديكور حتى المقابر”.
وأستكملت: “أنا عندي فوبيا من الأماكن الضيقة والضلمة، فا قالوا هنعمل تيست وهتنزلي، فا أول ما نزلت خوفت جدًا، وخبطت جامد ومحمد عرض عليا ينزل معايا بس أنا خفت جدًا ساعتها”.
وتقدم الإعلامية أميرة بدر برنامج “أسرار” على شاشة النهار يوميًا خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
