كتبت – أسماء حليمة
كشفت الفنانة ناردين فرج، في حوار لها عن بعض الحقائق بشأن إمكانية تركها مجال الإعلام والتفرغ الكامل للتمثيل.
وقالت ناردين فرج: “أنا نادرين كإعلامية بقالي أكتر من 10 سنين، كممثلة بقالي نحو 5 سنين، فمقدرش أقارن 12 سنة بـ 5 سنين”.
وتابعت ناردين: “أنا لسة محتاجة كتير أوي في التمثيل علشان أوصل لحتة أنا راضية فيها عن نفسي”.
وواصلت ناردين فرج: “لكن كإعلامية أنا راضية عن نفسي جدًا، وشايفة إن أنا مفيش حاجات نفسي أعملها معملتهاش، ولسة مخدتش قرار إذا كنت هسيب الإعلام وأكمل كممثلة”.
واختتمت “فرج” حديثها قائلة: “التمثيل شاددني أكتر، وعايزة أطور من موهبتي، ومع الخبرة بتطوري، وقدام الكاميرا بتطوري، وكإعلامية أنا خدت خبرة كبيرة أوي، ولكن مش حاسة إني عايزة أبطل حاجة خاصة إني مقلة أوي في الإذاعة وبختار اللي نفسه أعمله.
والجدير بالذكر أن الفنانة ناردين فرج حققت نجاحًا كبيرًا من خلال مشاركتها في مسلسل “صوت وصورة”، بطولة الفنانة حنان مطاوع.
وشارك في العمل عدد من النجوم أبرزهم، حنان مطاوع، صدقي صخر، عمرو وهبه، ناردين فرج، مراد مكرم، وليد فواز، نجلاء بدر، فدوى عابد ومن تأليف محمد سليمان عبد المالك، وإخراج محمود عبد التواب.
