كتب – أحمد عبد الفتاح
تحدثت الفنانة ناردين فرج، سر تسريب مشاهد من كواليس مسلسل صوت وصورة، التي أثارت الجدل حول هوية القاتل الحقيقي لشخصية عصام الصياد.
وقالت ناردين فرج: “فكرة الصور وفيديوهات قتل أبطال المسلسل لعصام الصياد، كانت فكرة المخرج محمود عبد التواب، قبل ما نخلص تصوير بـ أسبوع قالنا عايز أعمل حاجة نثير بيها الجدل، وكانت حاجة تشد وتلخبط المشاهدين مش أكتر”.
وأوضحت ناردين، تفاصيل تحضيراتها لشخصية المحامية، قائلة: “لما قعدت مع المخرج محمود عبد التواب “توبة” ، قالي اتفرجتي على مسلسل the undoing؟ ده مسلسل 7 حلقات بتاع نيكول كيدمان وهيو غرانت، وسألني على شخصية المحامية في المسلسل وأنا مكنتش فكراها.
وأضافت الفنانة: “قالي اتفرجي عليها تاني، الست دي كانت بتدافع عن هيو غرانت اللي خان مراته مع واحدة واتقتلت وشكوا فيه أن هو اللي قتلها، وهي كل همها تطلعه بريء حتى لو شاكة فيه، وقالي شوفي الست دي معندهاش قلب إزاي، وأنا خدت منها ستايل اللبس وحسيت أن ده بيدي شكل القوة”.
وأشارت نادرين: “أنا حبيت إني أغير من شكلي كممثلة وأنا بعمل شعري كده في الصيف، وفي الأول قعدت مع المخرج كان عايزها شخصية صارمة وجامدة ومفيش عندها قلب، ولاقيت إن لما أعمل شعري كده ده هيبين ملامح الوش أكتر وهيضيف للشخصية وشكلها.
