كتبت – أسماء حليمة
رد الفنان هشام عاشور على الانتقادات التي تلقاها صناع فيلم “الملحد”، مع إعلان موعد طرحه في السينمات.
ومن المقرر أن يتم عرض الفيلم الجديد “الملحد”، في السينمات المصرية يوم 14 أغسطس المقبل.
وقال هشام عاشور في لقاء له: “الناس كلها هتتفرج على الفيلم ومن المرات القليلة جدًا إن فيه ناس بتناقش مشاكل حقيقية موجودة تحت الترابيزة والناس بتقول آرائها بحرية، والكاتب قايل رأيه بحرية، وأنا صورت مشهدين فيهم مشهد مهم جدًا، ولما الناس تتفرج هتكون واحد تاني خالص”.
وتابع: “كل الشعب هيتفرج عليه وكل الناس اللي بينتقدوا هيتفرجوا على الفيلم، وإحنا وصلنا لمرحلة لازم تكون فيه شجاعة والناس تتكلم عن المشكلات الحقيقية اللي تحت الترابيزة، لكن السكوت غلط 100%، وعلى سبيل المثال المثلية في بلاد معنية مصرح بها هل معنى كدا إن كل البلد مثليين”.
أبطال فيلم الملحد
يشارك في العمل كلًا من: الفنانة شيرين رضا، محمود حميدة، أحمد حاتم، حسين فهمي، صابرين، تارا عماد، هشام عاشور، نجلاء بدر، أحمد السلكاوي وغيرهم، ومن إخراج ماندو العدل وتأليف إبراهيم عيسى.
