كتبت – نورهان سمير
أعلنت الفنانة رانيا يوسف عن دخولها قصة حب جديدة، مشيرة إلى إنه يكبرها بـ 4 سنوات ومطلق، قائلة: “أنا كنت قافلة الباب تمامًا لحد من 3 أو 4 شهور، كنت مقررة إني مش هتجوز ولا هحب وده عشان نفسي كانت مسدودة من كل اللي شايفاه قدامي من علاقات فاشلة”.
وتابعت رانيا يوسف: “لكن دلوقتي فيه إعجاب متبادل مع شخص، مواصفاته إنه متواضع جدًا، ومكافح في حياته وبدأ من الصفر، وهو أب لـ ابن وحيد، ومطلق لكن واخد باله من ابنه وصديق لطليقته كويس، وعلاقتهم صحية”.
وتحدثت رانيا يوسف عن تعاونها مع مختلف أنواع المخرجين، وقالت خلال ورشة توجيه الممثل بـ مهرجان أسوان الدولي لأفلام المرأة: “لما بيجيلي أني أعمل أوديشين مش بتكسف وبروح عادي أعمل”.
واختتمت حديثها: “أنا لقيت أني بنجح أكتر لما بشتغل مع المخرج اللي مش شايف شكلي زي الأستاذ محمد ياسين، وأحسن أدواري كانت معاه”.
