كتبت – نرمين صقر
كشفت المطربة هايدي موسى عن خطتها الفنية خلال الفترة المقبلة، موضحة أنها تعمل على الخروج من شخصية الفتاة الناعمة التي عرفها بها الجمهور، بجانب حديثها عن إمكانية دخولها عالم التمثيل.
وتحدثت هايدي موسى في أحدث تصريحاتها الصحفية: “بحاول أعمل خطة لتقديم حاجات متنوعة خلال الفترة اللي جاية، علشان المقاييس بقت مختلفة شوية عن زمان”.
وتابعت: “أنا كنت محطوطة في قالب معين وبحاول أخرج منه، إني البنت اللطيفة الهادية الناعمة أوي، فأنا قولت لا يا جماعة إحنا موجودين وعملنا أغنية “على الفبريكة”، والحمد لله الناس حبتها”.
وعن إمكانية دخولها عالم التمثيل، علقت هايدي موسى: “أنا مُقصرة جدًا في التمثيل ومبسعاش ليه خالص، وكل سعيي ناحية شغفي وأنا في الفن بشغفي، ودي حاجة مش صح بصراحة، مش بروح للحاجة اللي ممكن تعملي انتشار أكبر”.
وأضافت: “بحب التمثيل بس مجتليش الفرصة اللي تخليني أطلع الموهبة بشكل كامل، كان نفسي من زمان أعمل ميكس بين إني بمثل وبغني ودي مش سهل نلاقيها، وأتمنى الفترة اللي جاية أركز”.
وكما علقت المطربة هايدي موسى، على شائعات زواجها، قائلة: “الجواز شيء طبيعي وحلو وحلال ربنا وفرحة، وأول ما يحصل ويكون في حاجة رسمي الناس هتعرف بيها”.
