كتبت – نوران عسكورة
أوضحت الفنانة يسرا اللوزي تفاصيل مسلسل السراب والذي تتعاون من خلاله مع الفنان خالد النبوي لأول مرة، ومن المقرر عرضه خلال شهر سبتمبر المقبل 2024، عبر إحدى المنصات.
وقالت يسرا اللوزي في آخر تصريحاتها: “مسلسل السراب تجربة حلوة جدًا، الكاست وظروف العمل كانت مشجعة جدًا، وكنا بنصور في عز الحر، ومش لابسين صيفي يمكن دي كانت الصعوبة الوحيدة اللي واجهتنا في العمل، ولكن الكاست كله ناس أنا بحبها اشتغلت معاهم قبل كده وفي ناس لأ”.
وأضافت: “العمل بطولة جماعية وفيه ناس كتير مهمة، وحلاوة المسلسل ده إنه فيه لغز بنحاول نكتشفه في الآخر، وكل الشخصيات بتشوف اللغز من وجهة نظرها بالتالي كل الشخصيات مهمة”.
وأشارت يسرا إلى أنها لم تشاهد النسخة الأسترالية الأصلية لمسلسل السراب، قائلة: “مسلسل السراب هو فورمات من مسلسل أسترالي اسمه Seven Types of Ambiguity، وأنا ماشفوتش النسخة الأسترالية وكنت قاصدة إني متفرجش عليه غير لما أخلص”.
وعن خوفها من المقارنة أجابت يسرا: “مش خايفة من المقارنة، لأن فيه فورمات كتير بتتعمل في العالم كله ولكنها مبتتنسخش، لما بتتمصر وتتحط في ظروفنا وفي حاجات اجتماعية بتبقى موجودة برا ومش مقبولة هنا”.
واختتمت يسرا اللوزي حديثها قائلة: “فيه حاجات في تركيبة المجتمع أو القوانين بتبقى مختلفة، وطبعًا بتتمصر وبتنجح، لو اتمصرت صح وأخدنا في الاعتبار المجتمع هتنجح، زي مسلسل دهشة”.
