كتبت – إيمان زهير
قال الفنان محمد نور في تصريحات إعلامية: “الدراما بتبقى صعبة أوي، واتعرض عليا كتير ولكن أنت ممكن تخرج من بيتك في شهر 11 وترجع في شهر 3، ولكن لو اتعرض عليا حاجة حلوة ممكن أوافق، ولكن الدراما صعبة أوي وأنا بزهق بسرعة”.
وأوضح محمد نور خلال تجربته السينمائية الأخيرة، فيلم “الحب بتفاصيله”، وقال: “الحمد لله فيلم الحب بتفاصيله نجح وعمل شغل كويس، وهينزل على المنصات الأيام اللي جاية، وأنا عملت فيه 5 أغاني، وفيلم “الحب بتفاصيله’ كان لطيف، وأي حد من الأسرة يقدر يدخله ومكنش فيه أي مشاكل ولا أي حاجة خادشة، وأنا كان نفسي أعمل حاجة ناس صغيرة وكبيرة يقدروا يدخلوها، والحمد لله الفيلم طلع محترم”.
وكما شارك في فيلم “الحب بتفاصيله” العديد من الأبطال و أبرزهم: الفنان محمد نور وملك قورة، علاء مرسي، مصطفى أبو سريع، مادلين طبر، والعمل من تأليف كريم الحسيني ومحمد مختار ومحمد السباعي وإخراج محمد حمدي.
وصرح محمد نور عن تفاصيل فيلمه الجديد، قائلًا: “إن شاء الله بنشتغل على حاجة كوميدي خفيفة، لسه أنا بكتب التفاصيل الصغيرة ورؤيتي للعمل، وهخلي ورشة كتابة تتولى كتابة السيناريو”.
