كتبت – بسمة غربية
عبرت الفنانة ليلى طاهر، عن رأيها في الأعمال السينمائية التي تعرض خلال الفترات الماضية، مشيرة إلى أن مصر مميزة بأفلامها السينمائية الرائعة.
وقالت ليلى في تصريحات صحفية: “أنا زعلانة جدًا على السينما لأنها وقفت.. وأنا مش شايفة أفلام، وسينمات في دور العرض بقت مقفولة وده بيزعلني جدًا.. ده حتى مصر أم أفلام الدراما”.
وتابعت ليلى: “السوشيال ميديا كلها بقت بالنسبالي ممنوعة ومبقتش أقرأ تاني وابتعدت خالص، خليهم يكتبوا اللي هما عاوزينه بقى، وأنا زهقت منهم وممكن الفيسبوك اللي ممكن متفاعلة معاه شوية قليلين بس”.
وعلقت ليلى على شائعات وفاتها: “لما نزل خبر إشاعة وفاتي أزعجني وسبب ليا أذى نفسي ولما بشوف زملائي في الوسط بيطلع عنهم شائعات وفاة بزعل جدًا وبضايق”.
وأردفت “طاهر”: “أصل هتستفاد إيه لما تطلع كده، وبعدين قولت يعني هما نزلوا إشاعات عن وفاتي ومبسوطين وأنا اللي هضايق ومتصدقوش كلام حد أنا بخير”.
