كتبت – نورهان درويش
كشفت الفنانة لقاء الخميسي موقفها من فكرة خضوعها لعمليات تجميلية بالفترة الأخيرة، و أكدت أنها راضية عن نفسها ولا تفكر في تلك الخطوة.
وقالت لقاء الخميسي في مقطع فيديو عبر حسابها الشخصي على التيك توك: “ليه أعمل عمليات تجميل، أنا حلوة وجميلة وراضية عن نفسي وبحبني زي ما أنا”.
وتابعت الفنانة قائلة: “السن مش رقم وخلاص، لأ السن بيعبر عن دماغك بتفكر إزاى، فأنا مش محتاجة أعمل عمليات تجميل، والخطوط اللي في وشي دي بتاعت ربنا، والحمدلله ربنا خلقنا ومع العمر في حاجات بتتغير، أنا مبسوطة لو أنتم عايزين تعملوا عمليات تجميل اعملوا وهتكونوا مبسوطين برضو”.
وعلى جانب آخر علقت لقاء الخميسي على التعرض لهجومها بعد كشفها رأيها وانتقاداها للحجاب، حيث أكدت أنها تفهم معاني القرآن جيدًا، وأن الحجاب والنقاب ليس فرضًا على حد قولها.
وقالت الفنانة في تصريحات تلفزيونية: “أنا ست قرأت القرآن وذاكرته وعارفة معانيه، وشايفه من وجهة نظري أنه مفيش حاجة اسمها نقاب أو خمار، ومعنى وليضربن بخمرهن على جيوبهن، الجيوب هي المنطقة المقفولة اللي هي الصدر، وده اللي أنا مذكراه وفهماه”.
وأنت لقاء الخميسي حديثها قائلة: “أنا من حقي أقول رأيي، لأن ربنا مصادرش رأيي، وشايفه إني أقول رأيي مش لازم أطلع غلطانة، وربنا مفرضش النقاب، والحجاب كمان، لكن احترم المحجبات هما أحرار، وهما اختاروا كده”.
