كتبت – نرمين صقر
وضحت الفنانة بسمة رأيها في إمكانية دخول ابنتها؛ الوحيدة نادية الوسط الفني، مؤكدة أنها لن تختار مسارها المهني.
وقالت بسمة في لقاء صحفي: “بنتي دلوقتي في سن اللعب، وبتذاكر وتعمل تمارين وده مسؤولياتها في الحياة، وفي السن ده مش هسمح لها بالتمثيل، لكن فيما بعد هتبقى كبرت وتاخد قراراتها بنفسها، وتختار الطريق اللي هي عايزاه بنفسها”.
وأضافت بسمة: “مش دوري كأم إني أبني لـ بنتي حياتها، لكن دوري كأم أني أساعدها تبني حياتها اللي تفرحها”.
وكما تحدثت الفنانة بسمة عن تفاصيل تحضيرها لشخصيتها بمسلسل مسار إجباري، الذي عرض في السباق الرمضاني 2024.
وحيث قالت: “استوحيت تفاصيل شخصية نعناعة في مسار إجباري من والدة صاحبتي، هي قريبة لـ قلبي أوي وكانت أقرب حد في بالي وأنا بعمل الشخصية، كلغة جسد ومشاعر بتطلع كتير ودمعة قريبة”.
وتابعت: “عرفت أخد من الشخصية الحاجات اللي تفيدني في حياتي، وعرفت أدي نعناعة حاجات مني تديها روح أكتر، وطبيعي الشخصية تأثر فيا كبني آدمة، لأني بكتسب خبرات زيادة مع كل شخصية بقدمها”.
