كتب – أحمد عبد الفتاح
أعلنت الفنانة بسمة رسالة إلى جمهورها، خلال سؤالها عن كواليس تصوير فيلم أولاد حريم كريم، والتي كانت مليئة بالضحك واللحظات الممتعة، وانتشارها بشكل كبير على مواقع التواصل الاجتماعي.
وقالت بسمة: “يا جماعة ما تصدقوش إن إحنا لما بننزل نصور بنبقى طول الوقت بنهزر ومبسوطين وفلافي كده، لأن إحنا بجد بنتعب جدًا، إحنا بنصحى قبلكم وبنام بعدكوا، وعدد ساعات الشغل بتاعنا أكتر من عدد ساعات شغلكم، وبنكون في ضغط نفسي علشان نكون جوه الشخصية”.
وأوضحت الفنانة: “بيكون عندنا مشاكل قد الدنيا في البيت ومُطالبين بمشاهد فرحانين فيها، أو عندنا فرح قد الدنيا ومُطالبين بمشهد نكون فيه مش سعداء، فإحنا شغلانتنا مش اللي أنتم شايفينه على السوشيال ميديا من برا، ومسيرنا في يوم ندخل في كواليس الأفلام ونشوف التعب اللي بجد”.
وأكدت بسمة: “إحنا بيكون فيه لحظات بنضحك وبنهزر فيها، ودي اللحظات اللي بتطلع للناس لكن حجم المجهود الحقيقي مش بيظهر للناس، إحنا حوالي 200 بني آدم بنشتغل بأدينا وسنانا علشان نطلع لكم العمل اللي بتتفرجوا عليه”.
وأشارت إلى أسباب تحمسها لتقديم شخصية دينا مندور التي قدمتها قبل 18 عاما في الجزء الأول من الفيلم، قائلة: الشخصية كانت مليانة حياة ومُقبلة على الدنيا جدًا، وكان وشها حلو عليا بشكل شخصي.
