كتبت – إيمان عمارة
شن الفنان تامر حسني عبر صفحته على موقع التواصل الاجتماعي لتبادل الصور والفيديوهات الشهيرة “إنستجرام”، هجومًا على فنان كبير لم يحدد اسمه، وقال: مش غريبة شوية لما الفنان الكبير اللي بحبه وبقدره، ينزل صورتي عنده في الستوري بكذا طريقة إن أنا رقم 4!؟.
وأضاف قائلًا: “هو عارف إن ألبومي مش 4، بدليل ترتيب تريند اليوتيوب اللي ألبومي كله احتله، وكنت رقم 1 من أول يوم في الأسبوع الأول من نزوله، وبرضو ناس جمعتلي النتائج دي، بس منزلتهاش، عموما، هو ترتيب وبيتغير كل شوية، لينا ولزملائنا المطربين لما بينجحوا”.
وأوضح: “الفكرة إن “ألبوم لينا معاد” أنا تعبت فيه، والناس بتتكلم عنه بكل خير، وده الأهم، فمش محتاج أعمل كده، أنا لما كنت تقريبًا 10 أيام رقم 1 في أسبوع نزول ألبوم “لينا معاد”.
كما استكمل: “زي ما انتوا شايفين أهوه في الفيديو اللي اضطريت أنزله أغانيا في التريند أعلى وهو كان تحت، احترامًا ليه، ولمحبينه منزلتش صورته وهي تحت، ولا نزلت أي خبر يقول إن ألبومي متصدر عليه”.
وتابع المطرب تامر حسني: “كنت بحتفل مع جمهوري دون المساس بصورة أو اسم أي فنان، احترامًا لمجهوده، بس مش عارف ليه هو يعمل كده، لأنه أكبر من كده ومش محتاج يعمل کده، وعمومًا، ألف مبروك”.
