كتبت – أسماء حليمة
حضرت الفنانة حورية فرغلي مسابقة ملكة جمال مصر والمقامة حاليا في فندق ترينف لكشري بالتجمع الخامس، وذلك بعد أكثر من 20 سنة على تتويجها عام 2002 بلقب ملكة جمال مصر.
وقالت حورية فرغلي في حوار لها: “21 سنة فاتوا كأنهم امبارح وحاسة إني في يوم التتويج، لكن كل حاجة اتغيرت، وفي ناس جديدة وتنظيم جديد وبنات أكتر وأعتقد إننا هنختار أحسن بنت، والحمد لله عندي ثقة في نفسي واللي مش عاجبه يبص الناحية التانية”.
وتحدثت حورية فرغلي عن مقاييس الجمال بالنسبة لها قائلة: “مقاييس الجمال مش الجسم الواو ولا الوش الواو، لكن الأهم من جوه تكوني عاملة إزاي لأن اللي جوه هو مرايتك.. لو وحشة أو حلوة هتطلع في وشك مش بحب البنت اللي واخدة مقلب في نفسها”.
وأوضحت حورية فرغلي أنها تحضر حاليًا للمشاركة في مسرحية وفيلم جديدان خلال الفترة المقبلة.
ويذكر أن الفنانة حورية فرغلي خضعت مؤخرًا لعملية جراحية لإزالة الرحم، بعد اكتشافها وجود 9 أورام خبيثة بالرحم، الأمر الذي اضطرها لاستئصاله حتى لا يتفاقم الأمر.
