ريم وائل
أعلنت الإعلامية ريهام سعيد منذ قليل عبر صفحتها الرسمية على موقع التواصل الاجتماعي “انستجرام” إصابتها بفيروس كورونا.
ونشرت صورة ليدها وهي على السرير بإحدى المستشفيات وكتبت عليها “بقالي اسبوعين بعاني من كورونا و الحمد لله الرئه اتأثرت و اتحجزت في المستشفي من شويه، احساس غريب و انت عندك حاجه مميته، بتراجع نفسك كتير و تحاسب نفسك كتير أكيد غلطت لكن عمري ما قصدت كان دائمًا الغرض نفع الغير و إظهار الحقيقه”.
وأضافت “شكرًا يا رب على حبك ليا و شكرًا على ابتلاءاتك الكتير اللي بتدل على اهتمامك بيا، إذا كانت دي النهايه يا رب احسن خاتمتي و احسب لي كل عمل عملته لوجهك الكريم يا رب انت الوحيد اللي عارف انا عملت ايه وكانت نيتي دائما ايه، استحملت و صبرت على افترى و ظلم كتير”.
وأختتمت منشورها قائلة: “يا رب أغفر لي وسامحني وخلي بالك من اولادي، إذا كان ده اختبار من اختباراتك و لسه في العمر بقيه يا رب اشفيني و اقف جنبي و سهل عليا محنتي أنا راضيه بأي شيء، نصيحه لكل واحد بيهاجم مشهور أو ناجح أنت بتاخد ذنب رهيب انتوا بتاخدوا من أعصابنا وصحتنا وكله على باطل خلوا بالكوا الأذيه دي وحشه اوي و هتقعد لك في أعز ما عندك، أرجو الدعاء بالخير ليا اياً كان هو ايي”.
