كتبت – ناديه ديهوم
نشر الفنان سعد الصغير عبر صفحته على “إنستجرام” بوست يشكر فيه جمهوره الذي دعمه بعدما انقذ حياة توأم فى الشارع.
وعلق قائلاً: “رسايل حضرتكم بشوفها والكومنتات بشوفها، اعظم حاجة في الدنيا تساعد حد مش قادر، كان الواحد ممكن في يوم من الايام يكون مكان الناس دي وبجد الكلام من كل قلبي وربنا يعلم ما في القلب”.
وأضاف: “حابب بس اشكر كل الناس اخواتي واصحابي الي دايما بيشجعوني وحضرتكم على فعل الخير دايما وده الي الناس هتفتكره مش اكتر، مفيش حاجة هتدوم كله هيمشي فقولت اصبح عليكم وياريت اي حد يقدر يساعد اي حد غلبان محتاج بجد او اي حاله يساعده”.
وأكمل :” والله عن نفسي كل اللي انا فيه ده من کرم ربنا فقط اتمني كلنا نحب بعض ونساعد بعض واللي معاه يساعد اللي مش معاه صباح الفل علي احسن واطيب شعب في العالم سعد الصغير “.
وفي هذا الصدد توجه “حازم الملاح”، المسؤول الإعلامي عن برنامج كبار وأطفال بلا مأوى، الشكر إلى المطرب سعد الصغير، وأشار إلي أن فريق البرنامج سيتوجه إلى منزل الصغير، لنقل الطفلين إلى دار رعاية وأكمل أن البرنامج يوفر مؤسسات رعاية على أعلى مستوى بالتعاون مع صندوق تحيا مصر.
