كتبت- أميرة حسن همداني
وجه الفنان محمد هنيدي نصيحة إلى متابعيه عن معنى النجاح.
تحدث هنيدي بجدية مع المتابعين، وهو أمر نادر الحدوث، ليكشف عن وجهة نظره في مفاهيم ومعايير النجاح.
كتب محمد هنيدي عبر صفحته على فيسبوك: “نتكلم جد.. ماتخليش حد يحطلك مقياس للنجاح في حياتك .. النجاح ممكن يكون بمجموع كبير في كلية وممكن تعمله من غير المجموع ده برده”.
وأضاف: “النجاح مش بالفلوس ولا بصور إنستجرام اللي ظاهر فيها أنك سعيد وبتصيف كل أسبوع في مكان شكل، ولا أنك عندك فولورز أو قناة يوتيوب كبيرة”.
وتابع محمد هنيدي: ” النجاح ملهوش مقياس لكل الناس، أنت ممكن تكون شغال شغلة بسيطة بس سعيد وراضي وناجح فيها، فكرة أن ناس حصرت النجاح في أشكال معينة وأنك تقتنع بإن ده هو النجاح.. ده اللي هيخيلك عمرك ما هتبقى سعيد”.
وأكد هنيدي: “النجاح هو أنك تحقق اللي أنت عايزه حسب قدراتك وعقلك ودماغك.. مش أنك تحقق اللي الناس عايزاه وشايفاه نجاح، النجاح أنك توصل لسعادة ورضا سواء أنت بقى ملياردير أو اللي جاي على قد اللي رايح”.
واختتم محمد هنيدي مؤكدا: “أوعى تحصر فكرة النجاح والسعادة في الفلوس أو في الشهرة ولايكات فيسبوك وانستجرام ومشاهدات يوتيوب، لإنك كدة عمرك ما هتبقى سعيد”.
