كتبت – نوران عسكورة
حلت الفنانة يسرا ضيفة على برنامج “بيت السعد” الذي يقدمه أحمد سعد وعمرو سعد بقناة “إم بي سي 1″، وقالت: “أنا اتحاربت خلال مشواري الفني وكان بيبقى فيه صراعات غير عادية وأنا ما كنتش قدهم فتعرضت لانهزامات، ما كنتش قد الخبط لأني ضعيفة”.
وأضافت يسرا: “قعدت 4 سنين عملت 25 فيلم ما نزلوش ولم يعرض أي واحد منهم، وكانوا بيلقبوني بالنجمة المعلبة، ولما ابتديت مشوار التمثيل في أول سنة عملت 6 أفلام وتاني سنة 5 أفلام، وكنت أنتظر ينزلوا ما كانوش ينزلوا وكنت عايزة أعرف عاملة فيهم إيه، نزلوا متأخر و90% منهم منجحوش وسقطوا”.
وتابعت الفنانة: “بقيت أشوف الناس كتبوا عني إيه وقرأت ما كتبه النقاد الكبار عني، ولقيتهم بيتكلموا عني كويس وعرفت إن الغلط في فشل الفيلم ممكن يبقى له علاقة بالتوقيت واختيار المواضيع وتوظيف الممثل”.
واختتمت يسرا حديثها قائلة: “لما بتشتغل مع مخرج كبير بيخليك كبير لأنه بيحبك ولو حبك تشتغل معاه عمياني ولو ما كانش فيه أمان مع المخرج ده أكبر حاجة، وده درس اتعلمت ومشيت عليه”.
