كتبت – وفاء العسكري
كشف الفنان خالد النبوي عن سر نصيحة الفنان الراحل نور الشريف له، وذلك أثناء لقائه بالإعلامي محمود سعد في برنامج “سولد أوت”.
وقال النبوي: “مش سهل أبدًا تكون نور الشريف، وأنا دخلت المكتب عنده في رمسيس، وشوفت الـ 22 جزء بتوع كتاب قصة الحضارة، وهو كان بيعمل لينا لقاء علشان كان عنده فيلم عايز فيه شباب صغير من معهد الفنون المسرحية، فأنا لما شوفت بيتعامل مع الكتاب إزاي، ومتجلد إزاي فأنا قولت أنا عايز يبقى عندي الموسوعة دي وفعلًا جبتها”.
وتابع الفنان: “ونور الشريف اللي قالي لازم تستمر، نور الشريف قالي الاستمرارية هي أساس السينما إوعى تبعد حتى لو عندك فيلم مش حلو، والسيناريو مش عاجبك وتختار بينه وبين إنك تقعد في البيت لأ متقعدش في البيت، لأن وأنت بتشتغل هيجيلك السيناريو اللي يعجبك، لغاية ما تبقى قادر تتحكم ومتعملش غير الكويس”.
وكشف خالد النبوي عن رفضه القيام بدور إرهابي، في عدد من الأعمال الفنية العالمية، مؤكدًا أن الأمر تكرر أكثر من مرة، وقال أنه اعتذر عن بطولة مسلسل عالمي، يتم تصويره في أوروبا من أجل انشغاله، في ذات الوقت بتصوير دوره في مسلسل “واحة الغروب”.
وأضاف الفنان أن مسلسل “مصطفى محمود” توقف، لأنه لن يستطيع تقديمه إلا بعد التحضير له لأكثر من عامين، وأوضح أنه قام بالتحضير على مدار 5 أشهر، للعمل دون وجود جهة تعاقد.
ويخوض النبوي الماراثون الرمضاني من خلال مسلسل “إمبراطورية م”، مأخوذ عن الرواية الأصلية للكاتب إحسان عبد القدوس، ويكتب السيناريو والحوار محمد سليمان عبد المالك، والرواية سبق وقدمت، خلال فيلم سينمائي قامت ببطولته الفنانة الراحلة “فاتن حمامة” عام 1972.
