كتبت ـ بسمله الجمل
كشفت الإعلامية ياسمين عز في برنامجها كلام الناس المذاع عبر قناة MBC، عن رأيها في فترة الخطوبة قبل الزواج، وقالت إن احتفالية الخطوبة تكلف العروسين الكثير دون داعي.
وقالت الإعلامية: الخطوبة المفروض تتلغي ونخليه كتب كتاب على طول، الخطوبة ولا ليها أي لازمة، ليه الفشخرة؟ ليه نتبهرج بالذهب؟ ما تجيبوا خاتم كريستال عصفور ومحدش هيعرف.
وأضافت ياسمين عز: اللي هيقولي ما أنتي لابسة ألماظ أنا جايباه لنفسي، نجيب حاجة معقولة واللي مقتدر يجيب، أرفقي بخطيبك، ولكن الأغلبية حالة متوسطة والذهب غالي، والخطوبة مش جواز فيه فرق.
وتابعت “عز”: من امتى بنلبس فساتين بيضاء في الأفراح؟، محدش بيلبس فستان أبيض غير العروسة إلا إذا كنتي بتكرهيها وعايزة تنكدي عليها، واللي بيلبسوا أبيض أخوات العريس ودايمًا لازقين فيه وبيقهروا العروسة.
