كتبت – نورهان سمير
قررت جهات التحقيق بالجيزة تحديد أولى جلسات محاكمة 4 أشخاص المتهمين بقتل شخص، بسبب خلافات على قطعة زراعية بمنطقة أوسيم مستخدمين عصا وفأسا وأدوات حديدية.
جاءت أقوال المتهم مصطفي. م. م 29 عامًا، ومقيم في بشتيل أوسيم: “اللي حصل إن من فترة كان في حمار بتاع ولاد غريب زكي دخل الأرض عندنا ولما جينا نكلمهم واحد اسمه يوسف زكي راح اتكلم معانا بأسلوب وحش وشتمنا بس الموضوع عدا واتلم وإمبارح لقينا زيدان ومحمد وزكي جايين عندنا البيت وعمالين يقولوا لو في راجل ينزل وكانوا ماسكين عصيان في ايدهم ولما نزلنا نشوف في ايه راحوا ضربونا وروحنا تعمل تقارير ومحضر”.
أكمل المتهم الثاني: “الكلام ده حصل 23 /1/ 2023 الساعة 6 مساء عند البيت في بشتيل، كنت في البيت انا وأخواتي أحمد “المتهم الأول” وإبراهيم “المتهم الثالث”، واحنا جيران وأقارب وساكنين في شارع واحد، والسبب في إصابتي زكي وكان ماسك سنجة وضربني بيه على راسي”.
أردف المتهم: “وقتها أنا شوفتهم كانوا جايين علينا وماسكين عصيان وسنجة وتهجموا علينا وشتمونا، وهما قعدوا يقولوا لو في راجل ينزل وتهجموا علينا تحت البيت وكانوا ماسكين عصيان وسنجة وبعد كده ضربنا إحنا الاثنين في بعض”.
تابع المتهم: “كل اللي حصل ده بسبب الخلافات والمشاكل القديمة اللي بسبب الحمارة بتاعتهم، وهما اتعدوا علينا ماسكين أسلحة بيضا، ومحمد كان ماسك شومة وزكي كان ماسك سنجة، واللي حصل إني متعور في رأسي من ناحية الشمال وفي دراعي الشمال، وضربني ضربتين على رأسي”.
