كتبت – اسيل عادل
تحدثت الفنانة مي سليم في برنامج “نجوم رمضان اقربلك” للإعلامية إنجى علي عن تعاونها مع الفنان فتحي عبدالوهاب إنها سعيدة بالعمل مع الفنان فتحي عبد الوهاب، لأنه فنان عبقري ومميز، وأنه ليس التعاون الأول بينهما، وأنها تعاونت معه فى عمل آخر، ولكن لم تجمعهما مشاهد ببعضهما
وقالت: “أنبسطت أوي بالعمل مع فتحي عبد الوهاب، لأنه فنان عبقري وشاطر، وأن تجسيد دور الشيطانة ضمن أحداث مسلسل المداح4، هو دور جديد ومختلف تمامًا، لأنها لم تجسد مثل هذه الشخصية من قبل”.
وأضافت: “أول ما روحت تصوير “المداح” قولتلهم أنا بسمع إن عندكم عفاريت وبجد بيحصلكم حاجة قالولي متخافيش دي حاجات بسيطة، بعدها كنت بصور مشهد مع فتحي عبد الوهاب، والولد اللي بيشتغل معايا ماسك الحاجات بتاعتي والجاكيت، وفجأة الجاكيت ولع”.
وتابعت: “الأوضة اللي كنا فيها كان فيها شمع سألت الولد انت جيت ناحية الشمع قالي والله أنا واخد الجاكيت في حضني مجتش ناحيتها، خرجت لأستاذ أحمد سمير فرج سألته إيه دا أنا لسه تاني يوم تصوير والولد اللي كان بيعملي شعري السيشوار فرقع”.
