كتبت – نرمين صقر
كشفت يسرا اللوزي تفاصيل مشاركتها في فيلم “البحر الأسود”، والذي انتهت مؤخرًا من تصويره، تمهيدًا لعرضه خلال الفترة المقبلة عبر إحدى المنصات الإلكترونية، بجانب مشاركتها في مهرجانات سينمائية.
وتحدثت يسرا اللوزي في أحدث لقاءاتها الصحفية، قائلة: “التجربة جت مفاجأة في وقت أنا كنت منشغلة في تصوير مسلسل سراب، اتبعتلي السيناريو وسمعت إنه فيلم مختلف، والسيناريو صعب يتحكي علشان كده صعب أوي اتكلم عنه”.
وتابعت يسرا: “هو فيلم تحسي إنك عايزه تشوفيه والمخرج شاطر جدًا هو ده أول عمل ليه ولكنه عايز يعمل حاجة جديدة ومختلفة وبعد ما قابلته أنا اتطمنت”.
وعن تخوفها من التعاون مع المخرج علاء الدين مصطفى في أولى أعماله الفنية، قالت: “أنا مخوفتش إن ده أول عمل للمخرج علاء الدين مصطفى، وأنا طول عمري بشتغل مع مخرجين في أول أعمالهم الفنية، زي أحمد عبد الله السيد في فيلم هيليوبوليس”.
وأكملت: “حبيت أشارك في تجربة فيلم البحر السود، هو فيلم فانتازيا ودراما في اللازمان واللامكان، هو مش فيلم تقليدي له بداية ووسط ونهاية.. هو قصة وحبكة ولكن مش سهل تتحكي، أنا مش عارفة أحكيه لجوزي”.
وأضافت: “كل واحد لما يتفرج عليه هيتخله من منظوره، ولما قعدت مع المخرج علاء الدين مصطفى اتطمنت أكتر، لأنه فعلًا شاطر وله رؤية وطموح، وعارف هو بيعمل إيه ومتمكن من أدواته”.
والفيلم من بطولة خالد الصاوي، يسرا اللوزي، ثراء جبيل، حمزة العيلي، أحمد ماجد، يوسف عمر، محمد الجداوي، كريم علي، بسنت أبو باشا، وهو من إنتاج شركة archive media production، وتأليف وإخراج علاء الدين مصطفى.
